Dugnad på Drevtjørn 19.oktober

DUGNAD PÅ DREVTJØRN

Sundag 19.oktober 2025 kl. 10-14

Velkomen til dugnad – me gjer løypa og anlegget klart for aktivitet til vinteren! Me har allereie hatt ein del dugnadsaktivitet i haust med rydding av vekster i løypa. Det har òg vorte arbeidd med justering av langrennscrossen og forlenging av den gruslagte trasèen i løypa. Kom og prøv det ut før snjoen kjem! Men, me må ha den tradisjonelle dugnaden for å gjera siste finpussen i løypa, i og rundt bygningar.

Dugnadsaktivitetar: Rydding av pas/kvist langs løypa + stadion. Felling av tre langs løypa. Fiksa på sauegjerde ved stadion. Rydda i lageret på stadion. Vaska ut av varmestova på stadion  + toalett. Ta med det som passar: Vaskebøtte, vaskeklut m.m. Motorsag, ryddesag, teleskopsag, beskjæringssaks, m.m. Hammar, brekkjern, drill med relevant tilleggsutstyr. Mat: Ta med niste. UIL stiller med kaffi, saft m.m.

Ta gjerne med ungar på dugnad. Det er også fint for dei å ta seg ein sykkeltur i løypene om det skulle freista. Me avsluttar dugnaden i tide for dei som skal gå med bøsser for TV-aksjonen. Gje melding til Torkjell på mob: 971 30 173, om de har høve til å møta og kva de kan bidra med! Mbh Skigruppa,UIL